Пациентите прашуваат: Што треба да правам по завршувањето на третманот?
Одговор:За време на целиот процес на дијагноза и третман ќе бидете следен од страна на вашиот лекар кој е одговорен за вашето здравје. Тој внимателно ќе ја следи вашата состојба по завршувањето со третманот. Во зависност од резултатите и одговорот на терапијата, ќе ви даде план за следење на вашата состојба.
Она што е најважно во целосниот план за следење на вашата состојба е да се идентификуваат и регистрираат сите состојби кои би можеле да бидат потенцијален ризик фактор за повторување на болеста. Важна е идентификацијата и справување со долгорочните несакани ефекти од третманот. Вашиот лекар ќе подготви целосен план за водење на животот по канцер со вклучени совети за здрав начин на живот, здрава храна вежбање и откажување на цигарите. Неизбежна е и програма за редовни превентивни и контролни прегледи. Во Клиничката болница „Аџибадем Систина“ постои програма за поддршка на болните од канцер. Покрај советите и препораките од онкологот, ви нудиме план за целосна психолошка поддршка и совети за полесно надминување на изминатиот период и полесно соочување со животните предизвици. На располагање ви е и нутриционист-диетолог кој ќе ви даде стручни совети за исхрана која треба да ја практикувате.
Мултидисциплинарниот пристап во спроведување на планот за следење на вашата состојба по третманот со канцер е од суштинско значење. Овозможува професионална поддршка од страна на специјалисти од различни области се со цел да го подобри квалитетот на живот и да ги сведе на минимум шансите за можна појава на рецидив на болеста.
Доколку имате прашање на оваа тема, ве молиме пишете ни на Оваа е-адреса е заштитена од спамботови. Треба да ви е овозможено JavaScript за да ја видите.