MRI 3 Tesla është aparati më bashkëkohor për rezonancë magnetike, i cili gjendet për herë të parë në vendin tonë  në “Acibadem Sistina”. Ky aparat, në krahasim me atë standard MRI 1,5 Tesla,  është më i rehatshëm dhe ofron një numër të madh avantazhesh, si për pacientin ashtu edhe për doktorin.

Rezonanca magnetike është një aparat i cili ndryshe nga aparatët e tjerë nuk përdor rrezatim jonizues. Është një metodë e cila në procesin e krijimit të imazhit, përdor fushë magnetike. Për këtë arsye  nuk shkakton efekte të dëmshme për pacientin dhe shëndetin e tij.

Reduktim i kohës së filmimit

Me MRI 3 Tesla koha e filmimit është e reduktuar me 30% në krahasim me MRI 1,5 Tesla.  Për një sekondë mund të arrihen 20-30 imazhe të trurit, mëlçisë, zemrës, veshkave dhe organeve të tjera të brendshme. Për vetëm dy minuta, MRI 3 Tesla prodhon më shumë se dy mijë imazhe me anë të të cilave vlerësohet funksioni i organeve. Në të njejtën kohë, fuqia e fushës magnetike e cila është dy herë më e madhe, mundëson një shfaqje të saktë të strukturave  dhe organeve të brendshme, si dhe detektimin e ndryshimeve të cilat janë të padukshme me MRI 1,5 Tesla.

I qetë dhe i rehatshëm

Teknologjia Silent scan e montuar në aparat, redukton në mënyrë të ndjeshme zhurmën gjatë filmimin në krahasim me MRI 1,5 Tesla.  Në frekuenca të caktuara gjatë filmimit të kokës, shtyllës kurrizore dhe strukturës së muskujve, ky aparat është krejtësisht i qetë. Rritja e komoditetit të pacientit gjatë kryerjes së filmimit, mundësohet me anë të cilindrit i cili është 70 cm më i madh. Ky komoditet është i plotësuar gjithashtu me anë të tavolinës  në të cilën kryhet filmimi, e cila parashikohet të mbaj një peshë trupore deri në 250 kg. 

Skrining për të gjithë trupin vetëm me një filmim (Total body MRI 3Т)

Skanimi  i të gjithë trupit, mund të bëhet vetëm me aparatin për rezonancë magnetike me fuqi 3 Tesla.  Filmimi përbëhet nga 5 pjesë, sipas sitemeve dhe organeve, ky filmim është bërë i mundur falë programit të veçantë të montuar në këtë aparat.  Falë kësaj, arrihet imazhi i të gjithë trupit për më pak se një orë.  Shërbimi  „Total body MRI 3Т“ përdoret nga qendrat mjekësore botërore  si metoda Check – up më efikase për diagnostikimin e hershëm, si dhe për vlerësimin e gjendjes së të gjitha sistemeve dhe organeve, duke përfshirë edhe enët e gjakut. MRI 3 Tesla mundëson shfaqjen e enëve të gjakut pa  përdorur agjent për kontrast. 

*Të gjitha filmimet (incizimet) e aparatit të ri për rezonancë magnetike 3 Tesla, kanë zbritje promovuese prej 20% deri në fillim të muajit mars.

Tumor markerët HE4 dhe CA125 përmes algoritmit ROMA janë gjenerata e fundit të procedurave diagnostike. Përveç kësaj duke mundësuar diagnostikimin e kancinomës së vezoreve në fazën fillestare me ta mund të përllogaritet rrezikun e karcinomës së vezoreve. Këto dy teste revolucionare për herë të parë në vendin tonë janë zbatuar në "Acibadem Sistina". Tumor markeri HE4 ka ndjeshmërinë më të lartë për të zbuluar karcinomën e vezorës veçanërisht në fazën e parë të sëmundjes, kur pacienti nuk i ndjen simptomat. Në korrelacion me markerin CA125 japin rezultate më precize për praninë e karcinomës së vezorës apo përseritjen e saj.

Testi ROMA përcakton rrezikun e zhvillimit të karcinomës së vezorëve

Me ndihmën e këtij testi mund të parashikohet rreziku për zhvillimin e karcinomës së vezoreve. Vlerat e matura nga përqendrimet e serumit të markerëve të tumorit CA125 dhe HE4 marrin pjesë të rëndësishme në vendimmarrjen për tratimin e pacientit. Efekti nga përllogaritja e rrezikut me ndihmën e algoritmit ROMA është dëshmuar në disa studime klinike në mbarë botën. Ky test ndihmon mjekëve ti klasifikojnë pacientët në grupe me rrezik të ulët ose të lartë për paraqitjen dhe zhvillimin e tumoreve epiteliale të vezoreve.

Karcinoma e vezoreve është kanceri i pestë më i zakonshëm që paraqitet te popullata femërore. Ekzaminimet e rregullta gjinekologjike dhe me ultrazë janë parandalimi më i mirë, sepse me zbulimin në fazën e hershme, ka mundësi më të madhe për shërim të plotë.

Cilët janë faktorët e rrezikut?

Është e vështirë që të caktohen faktorët e rrezikut, që sjellin deri te karcinoma e vezoreve. Në 5-10 për qind të rasteve shkak është faktori trashëgues. Rreziku rritet nëse dy ose më shumë anëtarë në familje kanë karcinomë të vezoreve ose mitrës. Faktor të rritur rreziku nga karcinoma e vezoreve kanë edhe gratë më të moshuara, të cilat asnjëherë nuk kanë lindur, si dhe gratë që nuk mund të mbesin shtatzënë për shkak të endometriozës. Faktorë të tjerë të rrezikut janë duhanpirja, mbipesha, marrja e terapisë hormonale për pacientet që duan të mbeten shtatëzënë.

Cilat janë simptomat?

Karcinoma e vezoreve nuk jep simptoma në fazën e hershme, prandaj për këtë shkak te dy të tretat e të sëmurave, ai diagnostifikohet në stadiumin e avancuar. Pasiqë kjo karcinomë nuk ka simptoma, një periudhë të gjatë rritet në zbrazëtirën abdominale dhe nuk i pengon pacientes. Por, fryrja e stomakut, dhimbja e barkut dhe legenit, ndjenjë e shpejtë e ngopjes, probleme me urinimin, dhimbja gjatë marrëdhënieve, menstruacione të dhimbshme, vjellja, janë pjesë e simptomave për këtë sëmundje. Gjatë viteve të fundit llogaritet se një ndër simptomat e sëmundjes është edhe dobësimi drastik.

Si diagnostifikohet?

Karcinoma e vezoreve diagnostifikohet gjatë kontrollit gjinekologjik. Me ndihmën e kontrollit me ultrazë, gjinekologu mund ta diagniostifikojë tumorin në vezore, dhe sipas karakteristikave të caktuara të caktojë nëse bëhet fjalë për tumor malinj ose beninj. Pas kontrollit gjinekologjik, nëse ekziston dyshim për karcinomë të vezoreve, përmes gjakut bëhen edhe tumor markerët. Si procedurë plotësuese diagnostifikuese janë edhe tomografia kompjuterike dhe rezonanca magnetike.
Diagnoza e fundit caktohet pas operacionit, ku në mënyrë histopatologjike ekzaminohet materiali operativ dhe caktohet tipi, stadiumi i sëmundjes , prej të cilave varet terapia e mëtejshme.

Mjekimi dhe trajtimi

Karcinoma e vezoreve mjekohet. Trajtimi për karcinomën e vezoreve shpesh është intervenimi kirurgjik. Te pacientet të cilat diagnostikohen në stadiumin e hershëm të sëmundjes nuk nevojitet terapi tjetër përveç intervenimit kirurgjik. Te të tjerat, trajtimi postoperativ vazhdon me kemoterapi ose nëse bëhet fjalë për sëmundje të avancuar lokale, trajtimi mund të fillojë kemoterapi, dhe pastaj do të vijonte trajtimi operativ. Për pacientët në "Acibadem Sistina" në dispozicion është një terapi të re target që vepron direkt në qelizat e karcinomës me çfarë arriten rezultate të sukseshme në trajtimin e karcinomës së vezorëve.

Spitali klinik "Acibadem Sistina" ka në dispozicion gjeneratën e fundit të kimioterapisë e cila jep rezultatet më të mira në trajtimin e kancerit. Terapinë me citostatikë pacientët e marrin gjatë qëndrimit të shkurtër në spital ditor, i cili disponon 11 dhoma të veçanta të dizajnuara në mënyrë për të ruajtur privatësinë maksimale dhe komoditetin e pacientit.

Përse gjenerata e re me citostatikë premton  sukses në trajtim?

Falë përparimeve në mjekësi, ilaçet që përdoren në trajtimin e kancerit gjatë viteve e ndryshojnë përbërjen me qëllim që të jenë sa më efikase. Avantazhi i gjeneratës së fundit të kimioterapisë ka të bëjë me efektin maksimal në shkatërrimin e qelizave kancerogjene, gjithnjë dhe me më pak efekte anësore mbi shëndetin e pacientit.

Plani individual për trajtimin me citostatikë

Pacientët trajtohen me terapi më bashkëkohore onkologjike që krijohet individualisht sipas analizave molekulare të bëra në laboratorinë e histopalogjisë. Pacientët mund ti bëjnë të gjitha ekzaminimet e nevojshme në një ditë. Rezultatet i shqyrtojnë mjekët nga specialitete të ndryshme, gjë kjo e cila është pjesë e metodës multidisiplinare përsa i përket trajtimit të pacientëve në spital.

Pacientët mund ta marrin terapinë edhe në kushtet e shtëpisë

Risi në repartin e onkologjisë në spitalin "Acibadem Sistina" është edhe mundësia që i'u jepet pacientëve të cilët kanë nevojë për kimioterapi të pandërprerë, ta marrin atë në kushtet e shtëpisë, duke përdodur një pompë për kimioterapi që pacientet e mbajnë nën rrobat e veshura dhe mund të funksionojnë pa problem. Këtë mundësi pacientët e kanë për herë të parë në Maqedoni.

Në Qendrën për onkologji dhe radioterapi pacientët kanë në dispozicion terapinë më bashkëkohore biologjike që vepron në nivel të receptorëve të qelizave të kancerit. Me ndihmën e terapisë biologjike shkatërrohen qelizat e kancerit duke ndaluar aktivitetin  dhe përhapjen e tyre dhe duke bërë që  qelizat të vdesin në mënyrë natyrale.

Me këtë terapi revolucionare kanceret marrin rrjedhë kronike, pasi tumori ekziston, por nuk përhapet, dhe me kalimin e kohës zhduket në mënyrë natyrale. Ilaçet biologjike janë në fakt një lloje të antitrupave që kanë aftësi për t'i njohur qelizat e kancerit dhe të ndalojnë rritjen e tyre.

Avantazhi i kësaj terapie është se ilaçet nuk i shkatërrojnë qelizat e shëndetshme të organizmit, kështu që gjendja e përgjithshme e pacientit nuk dëmtohet. Kjo terapi është një zbulim revolucionar në vitet e fundit, me anë të së cilës arrihen rezultate të shkëlqyera në trajtimin e llojeve të caktuara të kancerit. Ekzaminimet tregojnë se terapia biologjike jep rezultate të mëdha në trajtimin e kancerit të gjirit, sepse qelizat e këtij kanceri janë të ndjeshme dhe i përgjigjen  shumë mirë terapisë.