TRILOGY
TRILOGY - Revolucion në trajtimin e kancerit
TRILOGY është përshpejtuesi më i sofistikuar linear i cili ofron mundësi për trajtim të saktë dhe efektiv në radiologji të tumoreve malinje. Kjo pajisje hap një epokë të re në radioterapi, veçanërisht me përdorimin e terapisë stereotatike dhe radiokirurgjike.
Aparati TRILOGY është i vetmi në rajon i cili përfshin tre metoda dhe teknika të ndryshme radioterapi:
IGRT (radioterapia e drejtuar nga imazhet): mundëson përcaktimin dhe lokalizimin e tumorit gjatë kryerjes së trajtimit. Falë kontrolleve të përditshme me imazhe (fotografim) mund të vërehet nëse tumori të cilin duhet ta rrezatojmë, ndodhet në fushën e rrezatimit. Pacienti fotografohet jo vetëm para terapisë, por, edhe gjatë saj, duke mundësuar në këtë mënyrë parandalimin e mundshëm të spostimit të tumorit gjatë periudhës së trajtimit.
IMRT (radioterapia me intensitet të moduluar): rezulton me shpërndarjen e dozës së lartë të rrezatimit të cilin duhet të marrë tumori, dozë e cila është e përshtatshme maksimalisht për të, madje edhe kur forma e tij është komplekse dhe e pasaktë. Me ndihmën e kësaj teknike të rrezatimit, vendoset doza e dëshiruar në tumor, me një mbrojtje maksimale të organeve të shëndetshme.
Radioterapia SRT/ SRC: përfitimet e radioterapisë sterotatike përgjithësisht lidhen me lezione (tumore) të vogla. Sa më herët të zbulohet tumori, domethënë, atëherë kur është me dimenzione të vogla, radioterapia stereotatike do të ketë efekt më të madh gjatë trajtimit. Me radioterapinë SRT/SRC përdoren rrezatime të sakta të cilat arrijnë edhe tek tumoret më të vogla.
Mbrojtja e indeve të shëndetshme
Me mundësinë e përdorimit të teknikës IMRT, doza e rrezatimit kundrejtë tumorit të synuar, është e përshtatshme dhe drejtuar në mënyrë precize drejtë tumorit. Kështu tumori merr dozë të lartë, ndërsa doza përsa i përket indeve të shëndetshme dhe organeve përreth, është maksimalisht e ulët. Doza e ulët tek organet dhe indet e shëndetshme, është një mbrojtje domethënëse për funksionin e tyre dhe ruajtjen e cilësisë së jetës pas përfundimit të trajtimit të radioterapisë.
Tumoret tek të cilat mund të realizohet trajtimi me rrezatim i TRILOGY:
Kjo teknologji përdoret për trajtimin e të gjitha llojeve të tumoreve tek të cilat ekzistojnë tregues për nevojën e trajtimit me rrezatim.
- Tumori i kokës dhe qafës
- Tumori i trurit
- Tumori i mushkërive
- Tumori i gjirit
- Tumori i prostatës
- Tumori i fshikëzës së urinës
- Tumori i mitrës
- Tumori i stomakut
- Tumori i rektumit
- Tumori i indeve të buta
